Usaibatuddeen#:Assalam zakkar fidda kai wajibice akan kowanne mutum musulmi wanda ya mallaki wata dukiya da ta qaru akan abin dayake da buqata shi da iyalinsa qimar abinda da za'a bayar ga kowacce mace ko namiji guda shine kilo biyu da kwata na daga irin abincin garin zaka fitarma kanka da duk wanda haqqin ci dashi yake kanka kamar mata da yaransu da sauransu ana fara fitarwa kafin eid da kwana 1 ko 2 amma anfiso mutum ya fitar ranar eid kafin ayi sallah matuqar ka mallaki abinyi kuma ba'a bari sai bayan sallar idin za'a iya hadama mutum 1 na mutane da yawa kamar Yadda za'a iya ba mutane da yawa na mutum 1,bissalam.
DAKIN LABAREN HAUSA 23 sep 2019 KARKEN ALEWA KASA, BATURE GAGARE Page 1 Episode 1 KARKEN ALEWA KASA, BATURE GAGARE Daga littafin Karshen Alewa Kasa Na Bature Gagare (c) NNPC Nigeria BABI NA FARKO TSAUNIN GWANO Tin kwal, Tin kwal, kwal! Tin kwal, Tin kwal Kwal… Mai yin shela ya bar kada kugensa domin ya yi jawabi a wani dan lungu da ya shigo. Ya kafa hannu a baki yayi kira, “Hyai, hyai, ina mazajen Tsaunin Gwano, sarkin kira ya gaishe ku. Bayan gaisuwa ya ce a fada muku lokaci ya yi wanda duk mai ji da kanshi ya shirya…” Ya wuce gaba yana kada kuge yana fadar sako rariya rariya. Hantsi ya ajiye kokon da ya gama shan burkutu da shi, ya yi wata doguwar mika ya yi murmushi, “To fa mutane, ga Audun makeri can yana buga kugen tasa. Yaya ka ji Mailoma?” Wani saurayi da ake kira Mailoma yana zaune a kan wani buzu da aka yi da fatar biri ya miko hannu suka tafa, ”Haba Hantsi,” in ji shi, “Ai ni nan wurin duk sun tsima ni kuma, sai na ji ma giyar nan duk ta fita raina.” Sai wuf ya mike tsaye ...
Comments